[新聞] 臺南大天后宮媽祖轎已用百年 今欲仿製新轎

https://news.pts.org.tw/article/644675 臺南大天后宮媽祖轎已用百年 今欲仿製新轎 李晨宇 / 臺南報導 發布時間：2023-07-04 19:15 更新時間：2023-07-05 08:51 https://www.youtube.com/watch?v=ctJC1GvSo90 臺南「祀典大天后宮」鎮南媽專用的神轎，到今已經用百外冬矣，廟方為著欲保護珍貴的 文物，決定以後莫閣用這頂出轎。啊若明年台南建城四百冬，廟方欲舉辦「台南迓媽祖」 ，廟方特別請木雕大師劉進文做一頂新的鎮南媽文轎，預估一冬後會完工。（此則新聞標 題、導言、內文皆為臺語文。） 一筆一筆刻花樣，這幅八仙圖每條線逝看著真活，遮是師傅的純手工。劉進文老師當咧仿 做祀典大天后宮鎮南媽專用的轎。這頂原轎，是陳瑞寶老師，佇清朝光緒12年，用狗骨仔 材，結合茄苳入石柳等工藝技法雕刻的，整個做甲真幼路。因為轎已經百偌冬，有一寡損 害，加上修理真濟改，廟方為著欲保護這項文物，決定欲仿做一頂仝款的。 木雕師 劉進文 重要是講伊內底的涵義是講 一寡寶器有代表足濟意義 包括伊內底的牡丹花就代表富貴 其實這件作品依這馬目前來講 是非常珍貴的 祀典大天后宮主委 曾吉連 （經過阮會議結果)這頂古舊 請咱劉進文老師修復了後 （會共)收起來保存 但是咱閣另外複製一頂 劉進文講，狗骨仔材是早期一種材質較ting7的木材，這馬量較少矣，所以才改用臺灣松 梧來做。仿作過程真厚工，對量寸尺、畫圖稿，割圖樣形體，落尾進行雕刻。老師表示， 愛用兩百偌塊花堵插榫組成，暗算愛一冬才會完工。迎接建城四百冬，廟方嘛當咧為明年 舊曆九月迓媽祖慶典做準備。 祀典大天后宮祀典組長 蘇瑞煌 （這改阮)用臺灣hi-nóo-khih來雕塑 嘛較袂會拄著蟲害的問題 （大天后宮)已經將近有六冬的時間 無迎媽祖矣 明年(阮)一定欲來共鎮南媽處理好勢 仿作鎮南媽文轎，完全遵照傳統，嘛有雙沿八卦窗，呈現出轎的雅氣。廟方講，原轎無論 佇工藝技術，抑是歷史文化攏真有價值，未來拍算欲共轎做文物，展示予逐家看。 洪家馨/編輯 --
※ 批踢踢實業坊(ptt.cc), 來自: 111.255.140.248 (臺灣)
※ 文章網址: https://www.ptt.cc/bbs/Tainan/M.1688570106.A.3D7.html

推 lupins: 推！ 07/06 01:04