[新聞] 台語歌仔戲《冒壁鬼》 用傳統藝術說現代人權

公視新聞網 https://news.pts.org.tw/article/685221 台語歌仔戲《冒壁鬼》 用傳統藝術說現代人權 發布時間：2024-03-13 19:15 更新時間：2024-03-14 08:31 https://www.youtube.com/watch?v=95Mwh9QNLcw 法務部的人權教育計畫，這擺參唐美雲歌仔戲團合作，用台語搬歌仔戲，來講人權兩公約 、轉型正義等等的人權議題。 真有正義感的主角金元寶，看百姓予官府強逼離開家園，勇敢徛出來發聲、維護人權，煞 害家己有危機。法務部的人權教育計畫、這擺參唐美雲歌仔戲團合作，推出戲齣《冒壁鬼 》，用台語、佮本土傳統歌仔戲，欲來講現代的人權議題。 法務部長蔡清祥表示：「予足濟老大人、序大人佮囡仔逐家攏會當來欣賞，不但會當瞭解 著咱人權的意義，嘛會當看著咱足優雅的，臺灣的歌仔戲。」 唐美雲表示，用臺灣傳統文化，來講人權兩公約、轉型正義遮的人權議題，通提懸民眾對 這款議題的接受程度；唐美雲歌仔戲團這幾年，也一直創新，用傳統戲曲來講親像同性婚 姻、性別平等這款現代事。 唐美雲歌仔戲團團長唐美雲表示：「阮的座右銘就是，先傳統創新劇，佇咧舊年的冥遊記 帝王之宴，佇咧帝王之宴內面，咱講的就是男女平權的問題，抑者是閣較進前的螢姬物語 內面，彼當陣這个法令（同婚法）猶未通過，其實阮就講著同婚的問題。」 《冒壁鬼》3月23、24，佇臺灣戲曲中心免費演出，3月初開放領票，就隨予民眾搶了了。 法務部表示，in會共表演錄影，透過網路放送，也會參唐美雲歌仔戲團討論巡演計畫，予 閣較濟民眾看著。 陳玟芯/編輯 --
※ 批踢踢實業坊(ptt.cc), 來自: 111.255.137.47 (臺灣)
※ 文章網址: https://www.ptt.cc/bbs/Gossiping/M.1710424701.A.A99.html