[新聞] 第一苦旦廖瓊枝 法國導演用20外冬拍紀錄片

公視新聞網 https://news.pts.org.tw/article/684614 第一苦旦廖瓊枝 法國導演用20外冬拍紀錄片 發布時間：2024-03-09 19:15 更新時間：2024-03-09 19:51 郭柏均 林郁凱 / 台北報導 https://www.youtube.com/watch?v=BZFkhOrfL6w 國立傳統藝術中心這幾年，有一个影像紀錄計畫，共台灣的重要傳統藝術錄影保存。初九 發表一支「對目屎到希望」為主題，歌仔戲第一苦旦廖瓊枝老師的紀錄片，而且是由 一个法國導演製作的。望民眾了解廖瓊枝辛苦的歌仔戲人生，後輩通繼續傳承歌仔戲，也 予台灣藝術佇國際上發聲。(這則新聞標題、前言、內文為臺語文。) 廖瓊枝老師專心指導學生：「上尾仔彼動，跤毋好戽遐懸，這跤勾起來。」 已經欲90歲的歌仔戲國寶廖瓊枝老師，牽教後一輩學生，每一步攏斟酌教。廖瓊枝予人號 做台灣第一苦旦，伊細漢時的人生是真艱苦。單親媽媽廖珠桂，佇廖瓊枝4歲離開世間， 外公外媽晟養伊大漢；廖瓊枝14歲走投無路，共家己賣予戲班，開始學戲的人生。 重要傳統表演藝術歌仔戲保存者－－廖瓊枝講起細漢的記持：「以前阮咧學的時，老師手 攑一支馬鞭，坐咧台頂咧監視，跍馬步愛跍15分，愛跍15分、手閣愛攑按呢。」 因為環境壓迫入戲班，廖瓊枝講，雖然學戲艱苦，至少有飯通食，所致真濟看戲的人攏講 ，廖瓊枝的哭調感動人，是因為伊共人生故事唱入去內底。2000年的時，一个法國導演尚 若白，予廖瓊枝歌仔戲感動，經過20幾年的時間記錄，舊年傳統藝術中心鬥幫贊，以「對 淚水到希望」為主題出紀錄片。 國立傳統藝術中心副主任鄒求強講：「第一，對法國導演、阿啄仔的角度來看臺灣歌仔戲 ，第二，廖老師學戲的過程辛苦、艱苦、較早坎坷的人生、佮佇歌仔戲內底的成就。伊( 導演)也發覺講歌仔戲佇臺灣稀微，上尾仔伊希望有轉變的機會。」 國立臺中教育大學台灣語文學系系主任林茂賢分析：「上會當代表臺灣文化特色的是歌仔 戲，透過這个紀錄片，嘛會當予咱國際的朋友，了解臺灣的歌劇，臺灣的歌劇、其實是歌 仔戲。」 學者林茂賢講，歌仔戲結合台灣文學、音樂、民族舞蹈、美學，通代表台灣的文化，望透 過紀錄片予大眾看見台灣文化的媠；國寶廖瓊枝也望、共家己的故事講出來，會使鼓勵更 加濟的歌仔戲後輩，鬥陣傳承。 張曼亭/編輯 --
※ 批踢踢實業坊(ptt.cc), 來自: 111.255.97.6 (臺灣)
※ 文章網址: https://www.ptt.cc/bbs/Gossiping/M.1709997789.A.05A.html

→ x4524: 這篇台語報導台灣目前應該有30%看不懂 42.76.200.195 03/09 23:34