[新聞] 鹿草焚化廠ROT經營 成做阿里山油菊復育地

公視新聞網 https://news.pts.org.tw/article/618401 鹿草焚化廠ROT經營 成做阿里山油菊復育地 林緯廷 / 嘉義報導 發布時間：2023-01-11 19:15 更新時間：2023-01-12 11:22 https://www.youtube.com/watch?v=7Um2twKMykI 過去燒糞埽的焚化廠，攏是社區無愛的設施。嘉義縣政府透過民間參與公共建設的方式， 政府出錢建設，交予民間經營，而且閣佇廠區內面復育阿里山油菊，焚化廠毋但會當燒糞 埽，嘛會當變做生態、運動、教育的空間。（這條新聞是臺語文。） 共阿里山油菊種落土內底，嘉義縣鹿草鄉的糞埽焚化廠，佇廠內永續循環示範園區內底， 配合嘉義大學欲來復育這个臺灣原生種的植物。 嘉義大學教授 張坤城：「伊閣是咱臺灣的特有種原生種，所以才會閣較積極來復育這个 部分。而且大量的推廣出去予逐家來種，就是希望除了杭菊以外，嘉義未來檢采有一个會 當佮杭菊仝款的新興產業。」 過去燒糞埽的焚化廠，攏是社區無希望倚的設施，嘉義縣政府透過促進民間參與公共建設 法的方式，結合政府佮民間企業，予焚化廠毋但只有燒糞埽，會當成做生態、運動、教育 的空間。 財政部促參司長 李建賢：「毋但是焚化爐的一个整改已經完成，甚至閣共荷包嶼附近一 寡植物攏會當來，佇這个場域內底來復育，所以這个民間參與公共建設，是一个會當完成 的目地。」 嘉義縣長 翁章梁：「這个園區伊有多樣性，對整個生態的保育，包括油菊的復育，所以 這款空間未來毋是鄰避設施，這款的空間佮鄉親的親近性會閣較好。」 焚化廠嘛佮嘉義大學合作，利用阿里山油菊，開發一寡商品。嘉義大學表示，目前廠內已 經有種三分外，是平地復育面積上大的基地，希望未來會當豐富油菊的基因，提懸這個植 物的生長，替嘉義增加新的農業產品。 --
※ 批踢踢實業坊(ptt.cc), 來自: 114.40.22.225 (臺灣)
※ 文章網址: https://www.ptt.cc/bbs/Gossiping/M.1673608269.A.3C0.html

→ rererere147: 可以幹嘛？ 榨油？ 218.166.58.80 01/13 19:13

噓 BBQ2591: 這是哪國的語言? 114.26.180.215 01/13 19:17