[新聞] 幼兒園浸水式教學 囡仔用臺語紹介嘉義特色

公視新聞網 https://news.pts.org.tw/article/606801 幼兒園浸水式教學 囡仔用臺語紹介嘉義特色 林緯廷／嘉義報導 發布時間：2022-10-28 19:15 更新時間：2022-10-28 19:46 https://www.youtube.com/watch?v=ctv9Gwnu-Dg 嘉義市有一間復國幼稚園，in結合老厝，打造臺語浸水式教學內容。今仔日就有外縣市的 幼教老師專工來參加這个教學計畫。 唱台語歌謠，幼兒園的囡仔成做導覽員，介紹學校的特色佮嘉義的生活，嘉義市復國幼兒 園28早時，有來自全國百外个幼教單位的代表，來遮了解幼兒台語浸水式的教學成果。 台語沉浸式教學計畫主持人陳淑琴表示：「阮是欲來幫助咱全國的幼兒園老師，佇上課的 時陣，會當來使用咱的閩南語，嘉義市復國幼兒園長 陳玉如，囡仔參加遮的課程了後， 發見講有足濟所在會當共逐家紹介，所以阮嘛利用這个機會，予囡仔來介紹，用閩南語來 紹介咱這間木造的建築。」 復國幼兒園共生活的課程佮台語敆做伙，培養幼兒班佮小班的囡仔，成做台語推廣的種子 ，國立台中教育大學臺文系的教授就指出，家長對母語的觀念，是推幼兒台語一項誠重 要的代誌。 國立臺中教育大學臺文系副教授張淑敏表示：「足濟家長猶是概念無夠好，阮定定拄著IN 閣會共幼兒園反映，叫IN莫教台語，目前這个部份阮感覺較困擾。」 復國幼兒園嘛表示，幼兒時期是學習語言的關鍵期，浸水式的台語教學課程，重點除了愛 予台語佮生活結合，家長支持，才會當予囡仔佇無負擔的環境之下，慣勢講台語。 --
※ 批踢踢實業坊(ptt.cc), 來自: 111.255.150.9 (臺灣)
※ 文章網址: https://www.ptt.cc/bbs/Gossiping/M.1667055442.A.AC5.html