[新聞] 臺南重現扛茨遷村 tshuā民眾體驗先民對抗做大水

公視新聞網 https://news.pts.org.tw/article/678690 臺南重現扛茨遷村 tshuā民眾體驗先民對抗做大水 李晨宇 / 臺南採訪報導 發布時間：2024-01-29 19:15 更新時間：2024-01-29 19:30 https://www.youtube.com/watch?v=C8TS8G7olVI 百冬前臺南安南區的扛茨走溪流閣一擺重現，竹籠仔茨嘛是臺灣獨有的建築佮文化，臺南 市府參博物館佮地方合作辦體驗活動，有上百人做伙扛竹籠仔茨，予逐家知影先民對抗水 災的艱苦，也體驗庄民互助遷村的過程。（此則新聞標題、導言、內文皆為臺語文。） 百外人出力，共兩噸外的竹籠仔茨扛起來行轉去舊厝地，in欲重現1928年溪南寮這帶特殊 的景象。這嘛是台江先民百冬前，對抗水災遷村的過程，彼當時每若曾文溪做大水，溪岸 會崩去，先民就愛同齊扛竹籠仔茨，翻山過嶺到地勢較懸的所在，這馬臺南市文化局參臺 灣歷史博物館佮興安宮辦文化活動，唌濟濟人來體驗。 囡仔 扛茨的活動足好耍的 參與民眾 是真正足重 欲扛兩公里嘛是一个足大的挑戰 參與民眾 逐家團結啦 無這間茨遮大 欲按怎扛會起來 因為早期時代人的生活無蓋好 台江內海in蹛的茨大概攏是這種 因為對抗水災，遮發展出「竹籠仔茨」的建築工法，嘛展現人參大自然和平共處的模式。 竹籠仔茨嘛成做無形文化資產。竹籠仔茨保存者李養講，這是純手工落去做，其中茨的懸 度、闊度、深間攏是用天父地母卦量出來寸尺。若家己一个人做，愛用五個月才通完成。 傳統工藝竹籠仔茨保存者 李養 這間就是愛先天父地母卦落好勢 寸尺落好勢才開始落去剪料 欲做按怎落去製作 製作咧才閣落去絞遮籠仔 彼一步一步足深啦 (這敢會足勇) 足勇 你若無予伊蛀去 這並紅毛塗閣較勇 臺南市文化局長 謝仕淵 這个行動予逐家了解 咱溪南寮過去的歷史 咱希望這个歷史是活的 透過這个會當參與的方式 了解著在地的文化佮在地的歷史 民眾綴著祖先的跤跡、轉去到歷史的現場，雖然辛苦毋過是一个珍貴的體驗，主辦單位嘛 tshuā逐家佇駁岸頂導覽，予逐家知影先民開墾的艱苦。 洪家馨/編輯 --
※ 批踢踢實業坊(ptt.cc), 來自: 111.255.132.194 (臺灣)
※ 文章網址: https://www.ptt.cc/bbs/Gossiping/M.1706541497.A.953.html