[新聞] 臺南柳營王醮三年一科 10門炮王船造型重現

公視新聞網 https://news.pts.org.tw/article/667976 臺南柳營王醮三年一科 10門炮王船造型重現 李晨宇 / 臺南採訪報導 發布時間：2023-11-22 19:15 更新時間：2023-11-22 19:33 https://www.youtube.com/watch?v=n6t5C7tM42E 臺南柳營代天院舉辦「柳營王醮」，王船「遊王號」已經做好勢。廟方為著保留文化，特 別仿69年前有安炮管的王船造型。這隻王船攏是遵照傳統落去做的，廟方希望文化繼續流 傳落去。（此則新聞標題、導言、內文皆為臺語文。） 廟埕頭前鬧熱滾滾，濟濟人咧鬥扌臭這隻「遊王號」，in完全靠人工來替王船開水路，欲 共扌臭到50公尺外的王船地，完成開光點眼儀式。臺南柳營代天院每三冬辦一改王醮祭典 ，是地方重大盛事，佇舊年嘛予人列做市定民俗。根據了解，遮是唯一無靠海、真罕看會 著的內陸王醮，唌袂少家長揣囡仔來認捌在地文化。 民眾 著啊 揣囡仔來看看王船的媠 民眾 下禮拜欲燒啊 (所以)出廠 今年做的較特別 (恁遮在地人敢會足期待做王船醮) 會啊 足期待的 三冬才一改啊 別位看無 這隻遊王號，船身15公尺、闊6公尺，廟方開上百萬打造。詳細看王船頂頭參一般的型無 相共。廟方指出，為著欲保留原本樣，in這改復刻69冬前的王船造型，除了王船內底干焦 有王府爾，船身兩爿恢復成有十門砲。另外，廟方提當時in予國外雜誌刊出來的封面，予 逐家通做比對，遮嘛是傳承文化上好的證明。 柳營代天院管理委員會常務委員 鄭百成 過去(頂懸) 並無媽祖樓 所以阮才共媽祖樓取消 兩爿會使看著十門砲 就是屬於戰船的造型 (目前)戰船的造型已經改無去 攏以八仙吉祥圖樣來取代遮的炮管 29重頭戲欲辦燒王船科儀，廟方指出，送王主要有眾神賜福，掃除瘟疫的意義，in嘛藉此 希望共珍貴的文化資產，世代相傳 。 洪家馨/編輯 --
※ 批踢踢實業坊(ptt.cc), 來自: 111.255.139.34 (臺灣)
※ 文章網址: https://www.ptt.cc/bbs/Gossiping/M.1700662052.A.125.html