[新聞] 和上海交流收著統戰冊 北市圖書館專區閣展出

公視新聞網 https://news.pts.org.tw/article/663145 和上海交流收著統戰冊 北市圖書館專區閣展出 呂尚儒 張育睿 / 臺北報導 發布時間：2023-10-23 19:15 更新時間：2023-10-23 19:44 https://www.youtube.com/watch?v=E4xjr7jpxKo 臺北市府和中國上海，自2013年簽署雙城論壇合作備忘錄了後，逐年攏會互相送冊囥佇圖 書館。有議員講佇臺北市立圖書館總館的「上海之窗、閱讀北京」專區，竟然有囥統戰內 容的冊，借咱的言論自由咧宣傳統一的思想。（此則新聞標題、導言、內文皆為臺語文。 ） 臺北市長蔣萬安今年八月去到上海參加雙城論壇的時，市府強調會以對等、尊嚴的原則來 交流，而且自2013年簽署合作備忘錄了後，逐年攏會互相送冊。但是臺北市議員林延鳳23 指出，伊收著民眾陳情講，臺北市立圖書館總館「上海之窗、閱讀北京」專區的冊，竟然 囥有統戰的內容，議員質疑這毋但違背市府當初講的「對等尊嚴」，嘛有看輕咱主權的爭 議。 臺北市議員 林延鳳 遮的牽涉著統戰相關的言論 包括一國兩制 抑是和平統一的內容的冊 攏囥佇咧咱的圖書館內底 上譀的閣有一个 中國民國1949年已經滅亡的內容 結果咱無共審查 無把關 竟然大大方方囥佇咧圖書館內底 我認為這个把關機制是失靈的 議員林延鳳質疑臺北市教育局和臺北市立圖書館根本就無照起工咧審查，要求共這寡牽涉 輕視臺灣主權的冊隨落架，若無就是愛改進專區展示的方式，維持觀點和思想的平衡。 臺北市議員 林延鳳 vs. 臺北市教育局長湯志民 咧其他的圖書館 至少人攏保持一个平衡 伊毋是一个專區 伊邊仔猶閣囥有一寡我拄才講著的 關係臺灣民主自由相關的冊 阮展示的方式佮重點阮會閣調整 拄才議座的建議我感覺袂禾黑 針對議員所指出有爭議的三本冊，包括《習近平談治國理政》、《中國的歷史》佮《給孩 子的歷史地理》，臺北市立圖書館表示目前已經共冊提落來，經過進一步審查，若是無問 題猶是會排出來展示，怹認為民眾猶是有知的權利，嘛向望逐家家己有判斷的能力。 洪家馨/編輯 --
※ 批踢踢實業坊(ptt.cc), 來自: 111.255.113.130 (臺灣)
※ 文章網址: https://www.ptt.cc/bbs/Gossiping/M.1698070486.A.FE0.html

→ higameboy: 只認習近平為唯一真神 42.72.206.140 10/23 22:15

→ trh123h: 講中文 112.104.29.253 10/23 22:15

噓 poi258: 選舉到了才想到要拿出來講 好棒棒 218.172.8.180 10/23 22:16

推 gn01693664: https://i.imgur.com/JY5CwHT.jpg 114.137.175.14 10/23 22:18

→ gn01693664: 紅共綠共手牽手 消滅民國割韭菜 114.137.175.14 10/23 22:18

推 wilson3435: 我想說內文怎麼這麼奇怪 218.35.143.24 10/23 22:19

推 zixiang: 如果要用台語發音 用台語字表達可以嘛223.137.128.226 10/23 22:25