[新聞] 林管處為防治猴群 和居民組"人猴衝突巡護隊"

公視新聞網 https://news.pts.org.tw/article/626598 林管處為防治猴群 和居民組"人猴衝突巡護隊" 林緯廷／嘉義報導 發布時間：2023-03-09 19:15 更新時間：2023-03-10 11:13 https://www.youtube.com/watch?v=o9ftITv3kJk 嘉義林管處發見這幾年，阿里山國家森林遊樂區的猴山仔，數量越來越濟，而且閣發生人 佮猴的衝突，林管處招在地單位佮居民參與教育訓練，閣組成「人佮猴的衝突巡護隊」， 來執行猴山仔監測調查，佮用友善的方式共猴趕走。 毋驚人的猴山仔佇人來來去去的步道活動，經過的民眾加減會好奇停落來共看。雖然in看 起來誠古錐，毋閣對阿里山的一寡店頭來講，嘛造成一寡仔困擾。 阿里山鄉中正村長林孝州表示：「遮的猴山仔誠猖狂，到廟內底到商店街，攏搶遊客的物 件來食，連廟內底的供品，彼个弓蕉in嘛入去食，阮遮的商品嘛入去食。」 嘉義林管處發見阿里山國家森林遊樂區的猴山仔愈來愈濟，造成人佮猴衝突的事件愈來愈 增加，所以成立人猴衝突巡護隊，欲佇有衝突發生的時陣，協助來趕這些猴山仔。 阿里山鄉中正村長林孝州表示：「林務局這馬辦理這驅趕猴山仔的動作，阮遮的民眾攏誠 支持。」 嘉義林管處技士王昶欣表示：「猴山仔有主動攻擊人，或者是有搶物件的時陣，才會出動 使用驅離的家私，平常時巡護的時陣，阮會透過巡護人員巡邏，來加強了解猴山仔的族群 動態。」 林務局表示，巡護隊用家私來趕猴山仔，攏有受過訓練，袂去傷著動物的性命，嘛會向民 眾來宣導莫飼、莫倚、莫弄的行為，減少人猴衝突事件發生。 --
※ 批踢踢實業坊(ptt.cc), 來自: 111.255.134.250 (臺灣)
※ 文章網址: https://www.ptt.cc/bbs/Gossiping/M.1678460666.A.F14.html