[新聞] 林旺105歲生日忌 文創業者收集老相片辦特展

公視新聞網 https://news.pts.org.tw/article/608760 林旺105歲生日忌 文創業者收集老相片辦特展 鄭雅文 林郁凱／臺北報導 發布時間：2022-11-10 19:15 更新時間：2022-11-10 20:12 https://www.youtube.com/watch?v=EYu-hdyM-SQ 臺北市立動物園往過有一隻象叫做林旺，是大人囡仔攏佮意的動物明星，而且伊嘛捌參加 過二次世界大戰，2003年食到86歲，今年是林旺105歲的生日忌，有業者特別舉辦伊的特 展共紀念。 歷史老相片，有孫立人將軍參戰象林旺互動，閣有林旺成做禮賓迎接駐華使節，一系列記 錄林旺一生的相片，攏是過去孫立人將軍的攝影官羅超群留落來的。 相片提供者羅廣人表示：「咱通常看著真濟，攏是林旺予飼佇動物園內的相片，但是真少 看著講，林旺佇草埔活動，食牧草的相片。」 真濟相片是第一改公開，2003年林旺以86歲的長歲壽佇台北市立動物園過身，早前的老相 片親像經歷二戰到來到台灣佇圓山仔動物園參馬蘭相拄等等，計共欲50張相片予外界看著 無仝的林旺。另外業者也有出繪本。繪本作者考證相片、文字等等內容，用三部曲來講林 旺。 文創業者行銷企劃專員黃芷琪表示：「李如青老師開十冬去做田調，甚至深度去接觸，林 旺進前真正有做伙過的阿兵哥，抑是後輩，共遮的歷史還原去繪本內底。」 業者表示，林旺的一生見證歷史的變遷，今年是林旺105歲的愍忌，希望予大人囡仔通認 捌這个過去的動物大明星，遮的相片文物會佇台北孫立人將軍的官邸展到年尾。 --
※ 批踢踢實業坊(ptt.cc), 來自: 114.39.69.195 (臺灣)
※ 文章網址: https://www.ptt.cc/bbs/Gossiping/M.1668182264.A.92E.html

→ AngeLucifer: ?125.230.173.187 11/12 00:03