[新聞] 基金會演楊貴妃故事 用西洋樂器敆京戲重編曲

公視新聞網 https://news.pts.org.tw/article/607892 基金會演楊貴妃故事 用西洋樂器敆京戲重編曲 買湘瑩 陳保羅／臺北報導 發布時間：2022-11-04 19:15 更新時間：2022-11-04 19:31 https://www.youtube.com/watch?v=C5Jc_TDv0rY 辜公亮文教基金會，主辦李寶春導演的「京崑戲說長生殿」，明仔載就欲佇國家戲劇院演 出。這回結合京戲、崑曲佮西洋樂器，共唐朝的愛情故事重新編排。 唐明皇佮楊貴妃的故事，一直攏是戲台頂上熱門的話題之一。辜公亮文教基金會推出「京 崑戲說長生殿」，這回結合京戲、崑曲佮西洋樂器，將唐朝的愛情故事重新編排。第一擺 演出楊貴妃啉酒醉的孔玥慈，認為這款的創作，予伊感覺不止仔速配 女主角孔玥慈表示：「其實京崑無分家，但是阮嘛真少有這款的方式，我第一改聽著這段 的時陣，其實我非常驚疑，因為我想袂到伊會當配合甲遮爾好。」 將西洋樂器囥入去中國傳統戲曲內底，演員按怎唱、樂器按怎配合，攏是真大的學問，辜 公亮文教基金會表示，一齣戲欲好看，愛有新的步數，才會當唌閣較濟人。 辜公亮文教基金會公關部經理黃麗宇表示：「一方面為著推廣，一方面會當予大眾，對無 仝面向欣賞京戲，會當講是打造一个東方的音樂劇，予逐家會當閣較輕鬆，閣較完整去欣 賞這齣長生殿。」 「京崑戲說長生殿」11月初5就欲佇臺北國家戲劇院演出，12月17-18嘛會去到臺中的國家 歌劇院佮逐家見面。 --
※ 批踢踢實業坊(ptt.cc), 來自: 111.255.153.75 (臺灣)
※ 文章網址: https://www.ptt.cc/bbs/Gossiping/M.1667658247.A.666.html