[新聞] 國際博物館日 故宮南院5/18開放免費參觀

https://news.pts.org.tw/article/580971 國際博物館日 故宮南院5/18開放免費參觀 林緯廷 / 嘉義報導 發布時間：2022-05-15 19:15 更新時間：2022-05-15 21:13 https://www.youtube.com/watch?v=XcfrziWROYw 5/18是國際博物館日，嘉義縣市結合在地的文化資源舉辦活動，故宮南院，嘛規畫規個月 的展覽佮講座，而且佇5/18這工，有開放免費參觀。 嘉義縣各鄉鎮的地方文化館，為著5月18的國際博物館日，14早時提早佇故宮南院做伙替 國辦活動宣傳，嘛紹介地方的文化。 嘉義縣長 翁章梁表示：「這个所在毋但有國寶級的文物，嘛佮真濟地方文化館，閣有文 化活動結合，所以會當講是包括博物館，閣有文化活動的所在。」 嘉義市立博物館嘛佇這工結合市立美術館、許世賢博士紀念館佮史蹟資料館等五間地方文 化館，用故事的盛放做主題，舉辦城市走讀佮工作坊。 嘉義市長 黃敏惠表示：「早前的繁榮，可能是木材產業帶來的基礎，到咱這代，阮有共 過去的精神發揚光大，這就是佇博物館內底，欲予囡仔看的。」 除了嘉義縣市地方文化館的活動，故宮南院佇五月份，毋但配合展覽有活動佮講座，5月 18這日閣會當免費參觀。故宮南院表示，連接國際博物館日的學習精神，歇熱的時陣閣規 畫親子藝術活動。 故宮南院教育展資科長 于秉儀表示：「咱會當透過遮的藝術作品，轉去看彼當陣科學， 閣有色彩佮歷史，阮會針對這款主題，會來設計夏日親子藝術月。」 故宮南院表示，今年國際博物館日的活動精神，是博物館的力量，希望民眾會當利用各種 博物館平台，學習各種資訊，開拓家己的眼界。 --
※ 批踢踢實業坊(ptt.cc), 來自: 114.39.60.86 (臺灣)
※ 文章網址: https://www.ptt.cc/bbs/Gossiping/M.1652801008.A.B38.html

推 Ahhhhaaaa: 麻煩補上媒體名稱 1.164.250.180 05/17 23:25