[新聞] 新北議員支持台語復振 望政府設專責委員會

公視新聞網 https://news.pts.org.tw/article/756400 新北議員支持台語復振 望政府設專責委員會 發布時間：2025/6/16 19:15 更新時間：2025/6/16 20:37 呂尚儒 / 地方報導 謝季潾 https://www.youtube.com/watch?v=9XkBpLe9Jtg 台語目前佇中央猶無專責機構，來規劃整體的台語政策。根據統計，各縣市干焦桃園市府 有設台語相關的專責單位咧做，為著欲對地方開始復振台語，新北市有議員要求市府成立 「台語復振委員會」，市長侯友宜是回應講，未來會定期召開座談會，檢討台語政策，閣 有實際上欲按怎成立專責單位。有台語團體認為欲復振台語，干焦向望中央實在傷慢，in 呼籲各縣市政府做陣來實踐、保障台語的發展。（新聞標題、導言為台語文） 為著欲促進地方政府，實踐台語復振閣推廣的工課，新北市議員黃淑君，6/12佇咧新北市 議會有要求新北市長侯友宜成立「台語復振委員會」，落尾市府答應先定期召開座談會， 來討論若欲設立委員會實際上欲按怎執行。 新北市議員黃淑君講：「客家有客家局，咱台語並無台語局，所以咱用委員會的形式來討 論看覓，未來是講一冬會當兩改做大型的一个座談會來討論，當這个模式較成熟的時陣， 咱會當進一步來成立委員會。」 其實三月，就有台語團體參新北市教育局鬥陣開座談會，針對新北市的臺灣台語教育提出 政策建議，嘛是對座談會延伸討論、希望設立地方的台語專責單位。除了推廣台語應用， 嘛希望通做相關研究、佮保護台語文化資產等等。台語政策推動聯盟表示，目前臺北、新 北和基隆市政府，針對欲設立台語專責單位攏有友善的回應。 台語政策推動聯盟召集人許慧盈表示：「阮這个聯盟有接觸的是臺北市、新北市閣有基隆 市，這三个地方政府的議員攏有予阮一寡真好的回應，基隆市有一位議員，伊嘛佇in的議 會有共in的市長提出這件代誌，市長伊佇咧這个議會的時陣，伊彼个時陣是講好啊，會使 來設。」 根據台語政策推動聯盟的統計，事實上各縣市，目前干焦桃園市府有設「閩南文化科」， 兼咧做佮台語相關的工課，民團認為欲復振台語，干焦欲向中央實在傷慢，in呼籲各縣市 政府著實踐國家語言發展法的精神，來復振和推廣台語，予台語的種子先對地方開始湠開 。 鄭安琪/編輯 --
※ 批踢踢實業坊(ptt.cc), 來自: 111.255.124.110 (臺灣)
※ 文章網址: https://www.ptt.cc/bbs/Gossiping/M.1750079173.A.084.html

推 fony1029: 閩南語223.140.143.109 06/16 21:07